स्वाहाकार

vijaya kelkar · July 12, 2013, 04:16:24 PM

स्वाहाकार ...... झाला झाला पुकार
आला आला होकार
केला साऱ्यानी स्वीकार
सांगे 'ती' मान नकार |
बोल बोलला अहंकार
'खबरदार'चा ललकार
फुटला हुंदक्यातून हुंकार
मानला तोच रुकार
असा झाला प्रकार
तरीही स्वप्न घेती आकार
साधी भोळी गोलाकार
किती होतील साकार ?
वाजंत्री चा होता टणकार
झाले बंद प्राकार
येईल कोणी शकार
करावयास शिकार
भीती, होईल निकार
'ती' नव्हे कोणी भिकार
तयार करण्या प्रतिकार
आठव आठव ओंकार
निर्गुण निराकार
शमले विकार
होता होता हा हा:कार
होत आहे स्वाहाकार..............

विजया केळकर __

vijaya kelkar · July 12, 2013, 04:27:50 PM

चुकी साठी ..क्षमस्व .
या कवितेस इतर कविता यात पोस्ट कसे करावे?

sweetsunita66 · July 12, 2013, 04:29:08 PM

कविता समजायला जरा अवघड वाटते कारण मी वाचायला सुरु केली तेव्हा अस वाटलं कि कुण्या मुलीला पाहुणे पाहायला आले ,तिचा नकार आहे पण तरीही ब्यांड बाजा वाजलाच ......... पुढे वाचल्यावर कळले कि केदारनाथच्या त्रासदी बद्दल लिहिलेस ,असो. मलाच नीट कळली नाही बहुतेक . तस छान लिहिलेस

vijaya kelkar · July 12, 2013, 04:46:03 PM

ठीक ठीक सुनीता,
वाजंत्री नंतर ची ही तिचीच कथा ...
कोणी दुष्ट नशीबात असला तर? प्रतिकार...पण ?ओंकारकृपेने हाहा:कार स्वाहाकारात बदलला.
असे काहीसे म्हणायचे आहे

sweetsunita66 · July 12, 2013, 04:54:34 PM

ohooo! i got it

vijaya kelkar · July 12, 2013, 05:17:51 PM

धन्यवाद , सुनिता..

केदार मेहेंदळे · July 13, 2013, 12:31:34 PM

chan

vijaya kelkar · July 13, 2013, 02:52:47 PM

प्रणाम केदार....
प्रतिसादासाठी मनापासून आभार