तू दूर आहे मी दूर आहे .....

[sumitchavan27]

तू दूर आहे मी दूर आहे .....
इतकी सजाही भरपूर आहे !!!


सौदा मनाचा हरलो हरू दे
प्रेमात सारे मंजूर आहे !!!


देऊ नका हो पाणी तयाला
तो वेदनेचा 'अंकूर' आहे ...


आजन्म माझा साथी रहा तू
तुझियाविणा मी बेनूर आहे !!


हळव्या मनाच्या करते शिकारी
इतकी कशी ती निष्ठूर आहे ??


सोबत नसावी एका क्षणाची
ती वासना क्षणभंगूर आहे.


अनमोल काही मागून गेली
तिजला दिला मी 'सिंदूर' आहे !!


*********************************

प्रकाशीतः "परिक्रमा दिवाळी अंक 2008"