घननीळ

[aap]

घननीळ

अंबरी करते सौदामिनी नर्तन

भूवरी जाहले मृदगंधाचे शिंपण

जलद फुटला तो निळा सावळा

पाऊस बरसुनी गेला खळखळा

धुंद पावसाच्या मिठीत भिजली

चिंब धरा देहदिठी शहारली

तिच्या गर्भी जन्मा येई

तृणबाळ अंकुर तो लवलाही

अंकुराचे बाळ चाले दुडूदुडू

पाऊस पॆन्जणाचा नाद रुणुझुणु

अंतराळी खग लाविती सूर

वारा  घाली मधुर फुंकर

मधुबनी अवतरला घननीळ

साद घाली राधेस वाजवून शीळ

                    सौ. अनिता फणसळकर