आताशीच आले बळ पंखात माझ्या

[केदार मेहेंदळे]

 आताशीच आले बळ पंखात माझ्या
भिती गगनाची अजुनी मनांत माझ्या

शालिन, सोशिक अन अपेक्षांच्या
बेड्या उगाच का पायांत माझ्या?

लांघला जरी मी उंबरठा घराचा
भिती रावणाची हि मनात माझ्या

शिकले जरी का कुंभार सगळे
अग्नीदिव्य अजूनही नशिबात माझ्या

जरी घेतली मी गगन भरारी
रमते अजूनही घरात माझ्या

मनांस माझ्या भुलवतो सख्यारे
फुलला अंगणी जो पारिजात माझ्या

पसरले जरी पंख उडण्या सख्या मी
असूदे तुझा हात हातांत माझ्या

जगाचे साम्राज्य? मला काय त्याचे
माळ एक गजरा बसं केसांत माझ्या

केदार......

[Ankush S. Navghare, Palghar]

Sundar...

[मिलिंद कुंभारे]

pharach chan.....

[sweetsunita66]

वाह वाह मस्त कविता आहे केदार 

[विक्रांत]

शिकले जरी का कुंभार सगळे
अग्नीदिव्य अजूनही नशिबात माझ्या

ha punch jast  aavadala

[aspradhan]

 कवितेतील भाव फार छान व्यक्त  झालेत !!मनः पूर्वक अभिनंदन !अश्या  कविता आणखी लिहा .!!!