गुणाऽची मनी ..

[shashaank]

गुणाऽची मनी ..

मने माकडे, किती गं लोळते ?
नऊ वाजून गेलेत तरीही झोपते ?? 

तुला ना शाळा, अभ्यास काही
दिवसा - रात्री लोळतात बाई !! 

सापडत नाहीए हेअरबँड माझा !!!
तुला काय त्याचे, वाटत असेल मजा ... 

कित्ती तो इथे झालाय पसारा ...
अगं, तुझी आधी शेपूट आवर जरा .. 

उठ आधी माझ्या दप्तरावरून
जायचंय शाळेत बाईऽ, सारं आवरुन 

जातेय मी शाळेत, आल्यावर भेटू
तोपर्यंत आपली न्हेमीची टाटू 

कित्ती गं माझी गुणाऽची मनी
बाय बाय करते शेपूट ऊंचाउनी ... 


-shashaank purandare