विरह---चारोळ्या

[SANJAY M NIKUMBH]

***** विरह---चारोळ्या *****
=================
जितकां तुझा विरह
मला छळत रहातो
तितकां तुझ्या प्रेमात
मी पडत रहातो .
--------------------
विरह सुंदर असतो
केव्हाही प्रेमासाठी
तोच प्रेम फुलवतो
बांधतो पक्क्या गाठी
--------------------
तुझा विरहच तर
तुझ्यात गुंतून ठेवतो
प्रत्येक क्षणी मनात
तुलाच घेऊन फिरतो
--------------------
तुझा विरह कधी
मला वेडापिसा करतो
तुझ्यावरच प्रेम
त्याच्या आरशात दावतो
--------------------
तुझ्या विरहानचं तर
तुझ्यावरच प्रेम फुलवलं
नाही जगू शकत तुझ्याशिवाय
माझ्या मनाला पटवलं
--------------------- 
कधी कधी जाणीवपूर्वक
तुझ्या विरहात मी जळतो
माझ्या खऱ्या प्रेमाला
तावून सुलाखून घेतो
-------------------------
यातना होतात तरी मनाला
तुझ्या विरहास मी सोडत नाही
कारण त्याशिवाय माझ्या कवितेला
शब्द सखे मिळत नाही
-----------------------------
संजय एम निकुंभ , वसई
दि. १३ . ८ . १३  वेळ : ८.०० रा .       

[Çhèx Thakare]

अप्रतिम राव एकदम मस्तच