अग्निपरीक्षा

[sweetsunita66]

चेहऱ्या वरचे हसू ,बघतात सगळे
हृदयातले आसू कुणास दिसतात का ?
पुरुषोत्तम रामाचे गुणगान चोहीकडे ,
सीतेचं घायाळ मन कुणा दिसते का ?
पतिव्रता सीतेला जीवनभर वनवास ,
लंका सोन्याची मात्र समाजातील रावणालाच का ?
सीतेनेच तेवढे होरपडावे अग्निपरीक्षेत
राजसिहासन मात्र सीते विना रामालाच का ?
अब्रूवर हाथ घालणारा असतो पुरुष ,
अभिमानाने मिरविणारा पुरुषच का ?
जगी 'निर्भयाला'जगणे झाले कठीण
मृत्यू चे वरण करावे लागते तिलाच का ?
समाज सुधारण्याचा कितीही आव आणला कुणी ,
समाज हा विषमच अन गुंतागुंतीचाच का ?
समाजात   का टिळक -फुले नाहीत जन्मत ,
देवाकडे आस लावून बसनेच का ?
                                                    सुनिता
                                                             १८ऑगस्ट १३