थँक्यू मुल्ला नसरुद्दिन

[विक्रांत]

भेटता तू आनंदाने
जीवन गेले भरून
हसतांना तुजसवे
पीसच गेलो होवून

तुझ्यासम विलक्षण
मी न पहिला अजून
तुजला माहित सारे     
काही माहित नसून

अजब तुझ्या तर्काने
मनी विस्फोट होवून
उकळ्यांनी गदगद
जीवही गेला थकून

हसत होतो तुजला
गप्पा तुझ्या ऐकून
पाहत होतो स्वत:ला
तुला आरसा करून

नात्याविन एक नात
गेले तुजशी जडून
परम मित्र झालास तू
थँक्यू मुल्ला नसरुद्दिन

विक्रांत प्रभाकर