गंध मातीचा….!

[दिगंबर कोटकर]

फुलांच्या गंधकोशी,
मकरंद निवसतो,
धरेच्या अधरी का रे ?
तप्त लाव्हा उसळतो...।        १

चांदण्यांच्या गावी लख्ख,
चांदोबा लकाकतो,
प्रेमाच्या गावी का गं ?
विरह विलासतो...।              २

चंद्रमाच्या अंगी गार,
शीतलता विराजते,
सूर्याच्या अंतरी का रे ?
हलोजन विस्फोटतो ...।        ३

पाखरांच्या अंगी छान,
सप्तरंग हे शोभते,
प्रेयसीच्या नयनी का गं ?
अश्रुधारा ह्या वाहती...।         ४

अतिनील किरणांस रोखण्या,
ओझोन वायू कामा येतो,
रतिच्या प्रीतीत का रे ?
मदन हा रडतो.........            ५   

पाऊसात लतिका भिजते,
वसुन्धरेस साज चढतो,
पाण्यात भिजुनी का गं ?
गंध मातीचा ह्या येतो.......      ६

ओलीचिंब वेलं जेव्हा,
झाडाला चिपकते,
मातीच्या दर्पाची का रे ?
तेव्हा लहर उसळते.......          ७

वेलीस आधार त्या,
वृक्षांचाच आहे,
पाण्यास हि का गं ?
चव मातीचीच आहे...।             ८

दर्प हा सुगंधी,
मना लाविला गं छंद,
काय नाव देऊ त्यास,
जग म्हणे मृदुगंध...                ९ 


               @@@@ दिगंबर @@@@
                 8855077412