ओं नम: शिवाय

[vijaya kelkar]

  ओं नम: शिवाय

   

      लक्ष कुंद सुमनांची उधळण
          शिवलिंगावर धवल पखरण
      ताम्र कलश जले परिपूर्ण
          अभिशिंचण्या उमारमण
      वेळोवेळी प्रदोषकाळी वेटाळीचे देऊळी
         अखंड दिवा गाभारी, लखलख दीपमाळी
      लावती त्रिपुरवाती, सोवळ्यान
         गंधाळे प्राजक्त अनंत फुलवातीन
      नन्दी ढवळा सामोरी, अर्धांगी गौरी
         लेकुरे गजानन, षडानन आज्ञाकारी
      कर्पुरगौरा, करुणावतारा, त्रिनेत्रधारी
          आळवती भक्त करतालावारी
      रमले महोत्सवी, रंगले महिरपी शिवालय
        ओं नम: शिवाय, ओं नम: शिवाय

              विजया केळकर ___

[sweetsunita66]

!अप्रतिम !! 

[vijaya kelkar]

    धन्यवाद,सुनीता ......

[rudra]

chaan.....

[vijaya kelkar]

 रुद्र....
अनेक धन्यवाद.....

[shashaank]

अभिशिंचण्या >>>>> हे

"अभिषिंचिण्या" असे बरोबर वाटते (अभिषेक)

[vijaya kelkar]

       शशांक ,
                हो चूक कळली, धन्यवाद,
            परंतु टाईप करतांना सुधारणा करता येत नाहीय ,
                 क्षमस्व