सौभाग्यकांक्षिणी

[aap]

सौभाग्यकांक्षिणी

करकमलावरी मेंदी रेखूनी
पिवळी पिवळी हळद लावुनी
हाती घालूनी हिरवे वज्रचुडे
बॆसली ती गॊरीहारा पुढे
     
      सालंकृत कन्या ही सजली
      भरजरी पॆठणी नेसली
      मुंडावळी भाळी शोभली
      वरास पाहुनी वधू लाजली
 
रांगोळ्या ,तोरण लेवुनी मंडप सजला
मंगलाष्टके म्हणुनी मंगलाक्षता उधळल्या
घालूनी शुभ वरमाला गळा
जाहला शुभ मंगल सोहळा
       
       पाठराखीण पाठी करवली
       पुढे उभी माय माऊली
       तातांची ही लेक लाडूली
       सासूऱ्यास जाण्या निघाली

अश्रूंची ही फुले जाहली             
अश्रूंची ही फुले जाहली
               सौ . अनिता फणसळकर