हा आयुष्याचा खेळ म्हणजे

[सतीश भूमकर]

हा आयुष्याचा खेळ म्हणजे त्या
रम्मीच्या डावासारखा असतो

जसाजसा पत्ता समोर पडतो
तसातसा डाव रंगतच जातो

कधी कधी आपण जिंकतो
आणि समोरचा पार हरतो

कधी कधी तर आपला
सगळा गेमच उलटा होतो


कधी तर फक्त राणीसाठी डाव अडतो
पण तो पत्ता आपल्या नशिबातच नसतो

त्याच वेळेस दुसरा कुणीतरी बाजी मारतो
आणि आपण सहज पुढचा पत्ता बघतो

तेव्हा तो खालचा आपल्याला येणारा
पत्ता नेहमीच बदामच्या राणीचा असतो

@सतीश भूमकर