वेड मनास येईना

[vinod.patil.12177276]

वेड मनास येईना
.
.
जीवनाचा अर्थ माझ्या
शब्दाविन सापडेना
आत मनाशी शब्द भांडले
शब्द शब्दाला जुळेना
.
.
          ते वेड माझे कधी मलाही
          सोडून गेले कळेना
          मन लोटले खाईत तरी
          वेड मनास येईना
.
.
शुन्य त्या एकांत वेळी
शब्द जिवाचा सोबती
शब्दास तुझीच लकेर
ती किनार मला सापडेना
.
.
           ते सुन्न माझे तरुणपण
           ती आस माझी स्पंदेना
           आत मनाचा कोंडवाडा
           शब्द ओठांवर स्फुंदेना
.
.
रुतु बहरले पावसात
कंठ सुरांचा दाटेना
भावनांचा खेळ माझ्या
लेखनीतुन उमटेना
.
.

- विनोद पाटील

[Kiran Patil]

 8)KHUPACH CHAAN AAHE KAVITA

[मिलिंद कुंभारे]

nice......

[vinod.patil.12177276]

किरणजी, मिलींदजी खुप खुप धन्यवाद

[krishnakumarpradhan]

सुंदर.स्पंदेना आणि स्फुंदेना या क्वचित आढळणार्या शब्दांचा सुंदर उपयोग

[vinod.patil.12177276]

krishnakumarpradhanji  dhanyavaad!!