दुष्काळ दुपारी ...

[शिवाजी सांगळे]

पाउलवाटेवर त्या गेलो
बोरीचे झाड तेच होते,
फरक इतकाच होता,
झाडाला बोरही नव्हते !!

डींक बाभूळ फुलांचा ,
मन चौखूर शोधीत होते,
दुपारी डोळ्यांना तेव्हा,
काटेच बोचत होते !!

पाणवठ्यावर गुरांच्या,
घुंगरु सांडले होते,
डोळ्यात फांदीवरल्या,
दवबिंदु गोठले होते !!

सुकवून वारे नभांना,
एकाकी निशब्द होते,
सुपही माजघरात,
जात्यावर झोपले होते !!



© शिवाजी सांगळे sangle.su@gmail.com  +919422779941