आता सुरु नव्याने माझा प्रवास झाला

[केदार मेहेंदळे]

वृत्त: आनंदकंद
लगावली: गागालगा/लगागा/गागालगा/लगागा

तोडून बंध सारे सुटण्या प्रयास झाला
आता सुरु नव्याने माझा प्रवास झाला

थकलो पळून जेंव्हा बसलो जरा घराशी
माझाच भार तेंव्हा माझ्या घरास झाला

ते बंध रेशमाचे, ते पाश सोयऱ्यांचे
या प्रेम भावनांचा मजलाच पाश झाला

सोसून घाव आलो जिंकून देश सारा
मजला फितूर तेंव्हा माझाच श्वास झाला

खांद्यावरून त्यांच्या गेली वरात माझी
याचाच हाय त्यांना भलताच त्रास झाला

त्यांनी अमृत पिऊनी मजला दिले हलाहल
''केदार'' नाव माझे, याचाच त्रास झाला

केदार...........with Swamiji...

या गझलितला 'आता सुरू नव्याने माझा प्रवास झाला' हा मिसरा श्री सारंग भणगे यांच्या गाझलीतला आहे 

[Chetan Thakare]

ते वृत्त काय ते ऊमजण्या पलीकडे आहे
पण शब्द रचना अप्रतिम :-)