आय सी यु ..

[शिवाजी सांगळे]

घड्याळाला भिंतीवर टांगुन
चार दिवस काळ थांबवीत होतो मी !

हॉस्पिटल कसं असत ?
आय.सी.यु.त अनुभवित होतो मी !

थोडं उशीराच समजलं
ई.सी.जी. सुद्धा बंद पाडीत होतो मी !

पराधीन पलंगावर एकटा
सलाईनच्या जाळ्यात होतो मी !

ग्लुकोजच्या गोड तळ्यात,
नर्स, डॉक्टरांच्या स्वाधीन होतो मी !

गोळ्या, औषधांच्या डोसा सह,
भेटणाऱ्यांचे सल्लेही खात होतो मी !


© शिवाजी सांगळे
sangle.su@gmail.com  +919422779941