कशी गीत गाऊ?

[मिलिंद कुंभारे]

कशी गीत गाऊ?

कळेना कधी गुंतले, संपले मी
तरीही कुठे बावरी, चालले मी ...

जरी पारखी मी तुझ्या संगतीला
सुखांशी तरीही जणू भांडले मी ...

जराशी जराशी अता राहिले मी
व्यथा, वेदनांनी जणू वेढले मी ...

जुनेरे कसे गीत गावे नव्याने?
अता आटली आसवे, गोठले मी ...

कसे आवरू सावरू मी स्वत:ला
कळेना कधी थांबले, भंगले मी ....

किती देत राहू मला मी दिलासे
तुझ्या आठवांनी मला जाळले मी ....

मिलिंद कुंभारे