बोच

[केदार मेहेंदळे]

वजनी बोली सुचली नाही
मतल्या मध्ये दिसली नाही

गझल लिहाया गेलो ''तर ही''
ओळ एकही जमली नाही

''दुष्काळा'' वर शेर ओतले
जमीन त्यांची भिजली नाही

''भक्ती'' ने मी गझल टाकली
मात्रां मध्ये बसली नाही

प्राशुन ''अमृत'' अमर म्हणाले 
लगावली ही पटली नाही
 
बघुन ''बेवडा'' बोललेच ते
''हजल बुवा ही जमली नाही''

गझल हत्ति अंधळ्यां भोवती
मते कुणाची जुळली नाही

रदीफ मतले किती प्यायलो
गझल नशा ही विटली नाही

भाव जुळले गझलेशी जरी
गझलच माझी उरली नाही

हलाहला ''केदार'' पचवितो
बोच टिकेची पचली नाही


केदार...

[शिवाजी सांगळे]

bochari boch, mitra, chaan

[jawahar doshi]

Kedar saheb, you are toooooo good. I am regular visitor to M.K. But I am not well conversant to FB. I am a big Fan of your Kavitas. Whatever you write, is mind blowing. I would like to meet you at least once. Hope you contact me on my email. Thanks...

[sweetsunita66]

मस्त !खूपच छान !माझ्याच मनाचा गोंधळ दिसला मला ह्या कवितेत . एक गझल लिहायचा प्रयत्न केला ,fb वर पोस्ट केली पण कुणाची टीका सुद्धा नाही . अश्याने आम्ही कसे बरे शिकणार ?

[शिवाजी सांगळे]

खरच आहे, कलाकार कधीच समाधानी नसावा, कारण समाधान आले कि सुस्ती येते, आणि कलाकार संपतो अशी माझी धारणा आहे, असमाधानातून नव निर्मिती होत रहाते!

[मिलिंद कुंभारे]

ha....ha....ha....

[शिवाजी सांगळे]

मिलिंदा, चुकीचं म्हटलं कारे मी......?