म्हसूबाबाच गाणं २

[विक्रांत]

म्हसूबाबा म्हसुबाबा लवकर उठून जा हो
गावाचा रस्ता जरा खाली करून द्या हो ||
किती वर्ष झाली तुम्ही आडवे इथे पडला
आजी आत्ती पणजीचा बोकड तुम्ही खाल्ला
पुरे झाले सारे आता बस्तान गुंडाळा
प्रकाशाच्या किरणांना वाट करून द्या हो ||१ ||
सरली तुमची भिती सारी पोरं झाली शहाणी
पटकी देवी महामारी गेली बाद होवूनी
कुणी नाही पुसत त्यानं जावं गुमान निघुनी 
दुनियाची रीत तुम्हा ठावूक नाही का हो  ||२||

विक्रांत प्रभाकर