आभास तुझा...

[शिवाजी सांगळे]

आभास तुझा...

आभास तुझा होताच आज
स्मृंतीचे चाळवून जाणे,
नसता जवळ तुझ्या परी
आठवणीत माझे हरवणे !

येऊन स्वप्नात रोज माझ्या
ते हळूवर स्पर्शून जाणे,
रुंजी घालणाऱ्या सुरांचे
कानावर मधुर ते पाघरणे !

ओलसर कुंतलातून गंधीत
मोगऱ्याचे सुद्धा विखुरणे,
उशीवर ठेऊन हाताच्या डोके
मिठीत हलकेच ते विरघळणे !

काळवेळ स्तब्ध होऊन सारी
वाऱ्याचे मखमली विहरणे,
थंडीत गोड पहाटे गुलाबी
मोरपंखी ते शहारून येणे !


©शिवाजी सांगळे

[मिलिंद कुंभारे]

chan......

[vijaya kelkar]

                आभास तुझा ----रम्य भासे

[शिवाजी सांगळे]

धन्यवाद मित्रांनो....