श्रद्धांजली

[vijaya kelkar]

       _________ श्रद्धांजली  _________

             
           प्रथम वहावी श्री-गणेशा लाल पुष्पांजली
            नंतर वाहावी इतरा विविध फुलांनी श्रद्धांजली

           कितीही रागेजली परी प्रिय जनक नि माऊली
            त्यांस शांत,निर्मळ,पांढऱ्या फुलांची श्रद्धांजली

           गुरु अनेक  परि  छाप  पडे  एकली
            त्यासी पिवळ्या भगव्या झेंडूची श्रद्धांजली

          आप्तजन, स्वकीयांचापसारा असे भवताली
           काटे रुतले शब्दांचे तेव्हां वाहू गुलाबाची श्रद्धांजली

          मित्र मैत्रीणी बहु कोणी जिवलग झाली
            मेळाव्यातून अबोली बोलली वहाण्या श्रद्धांजली

          वीरांच्या बलिदानाने भू माता ही चक्रावली
           नानाविध फुलांच्या चक्राची त्यांस श्रद्धांजली

          आसमंतातून येई एखादी काळी सावली
            मीठ-मोहऱ्यांची च मिळे त्यांस श्रद्धांजली

          कोण ही वेडी?गेली वर,पडली खाली !
           (तिच्यासाठी )दोन अश्रुफुले येतील कां गाली
                                 देण्या श्रद्धांजली?

                              विजया केळकर ___