अनेकांच्या रूपा मध्यें...

[Sadhanaa]

अनेकांच्या रूपा मध्यें
एकच तुझे रूप दिसते
आभास समजून आला तरी
मन मात्र कायम फसते

अचानक शब्द कुणाचा
तुझी आठवण करून देतो
आभास तो वाटला तरी
चटकन मागे वळून बघतो

पावलांच्या चाहुलीनें
तूं आलीस असे वाटते
आभास समजून आला तरी
न कळत दार उघडले जाते

स्वप्नां मध्यें अनेक वेळा
तुला मी पहात असतो
तो आभास असला तरी
मला आनंद वाटत असतो
रविंद्र बेंद्रे
कविता चित्ररुपात पहायची असल्यास
...Please click on this...
http://www.kaviravi.com/2013/06/inspirational-poem_26.html