कुठे आहेस तू ?

[शिवाजी सांगळे]

कुठे साद घालू ? कुठे आहेस तू ?
एकटा मी इथे, परतुनी त्वरी ये तू !

उरी स्मृती तुझ्या, गातोय रोज विराणी
घेशील का धाव, ऐकून माझी गाणी
सांग ऐकलीस का तू ?

फिरतोय चौफेर साऱ्या, दडलीस कोण्या दारी
थकलीत पाऊले माझी, फिरून दुनिया सारी
सांग आहेस कुठे तू?

नसण्याने दु:खी तुझ्या, सलतोय एकटेपणा 
मरावं कि जगावं ? करू काय सुचेना ?
सांग आता उत्तर तू !

न आसरा कुणाचा, न दिसे कुठे किनारा
शोधतात नेत्र तुला, लपाछपीचा खेळ सारा
सांग दिसशील कुठे तू ?


©शिवाजी सांगळे