प्रिय सखीच्या स्मरणासाठी

[Sadhanaa]

प्रिय सखीच्या स्मरणासाठी

शहाजहानने ताज बांधला

अमर पाहुनि प्रेम तयाचे

नांवाजताती सर्वच त्याला ।

जिवंत असतां सखी परंतु

कुणा न प्रेम त्याचे दिसले

मला वाटते प्रेम तयाचे

ताजमहलने अमर केले ।

वरवरच्या देखाव्याला

आजही जाती लोक भुलोनि

ऐकले-पाहिले नसले तरी

प्रेम सांगति वर्णन करुनि ।

पुरविण्यास्तव जिद्द मनाची

वेठीला धरले जनतेला

रक्त शोषून गरीबांचे तें

पत्नीसाठीं महल बांधला ।

नाजुक नक्षी पाहून त्याची

लोक भान विसरुनि जाती

हात तोडले कामकरयांचे

नक्षीत तें त्या मला दिसती ।

शुभ्र रंगात दिसून येते

पावित्र्य आचार विचारांचे

ताजमहलच्या संगमरवरी

डाग मज दिसती रक्ताचे ।

लोक ऐकती सूर प्रीतिचे

निर्जीव त्या वास्तुमधुनि

करुण किंकाळ्या ऐकू येति

मला त्या दगडांदगडां मधुनि ।

ऐकून ती प्रेम कहाणी

सत्यकटु झांकुनि जाते

वरच्या देखाव्या भुलूनी जनता

अमरपणाची गाणी गाते ।

प्रेम आहे एक अनुभूती

दाखविता ती येत नाहीं

बांधुनि वाडे-महाल ती

साकार कधीं होत नाहीं ।

म्हणुनि ताजची ऐकुनि गाथा

त्यात न-मला अभिमान वाटतो

अमर प्रीतिचा परंतु त्यांत

सदा मला अपमान वाटतो । ।रविंद्र बेंद्रे
कविता चित्ररुपात पहायची असल्यास...
Please click on this
http://www.kaviravi.com/2013/06/miscellaneous_29.html