मी तुला अन तू मला

[केदार मेहेंदळे]

भांडलो दोघे जरी डोळ्यात झरे शेवटी
मी तुला अन तू मला इतकेच खरे शेवटी

फाटका संसार माझा सावरला तू जरी
हाय पडले गं किती हातास चरे शेवटी
 
संकटे आली किती विश्वास तरी अंतरी
पाठराखा देव आहे तोच तरे शेवटी
 
पाहुनी माड्या हवेल्या आज परतलो घरी 
वाटले जीवास या घरकूल बरे शेवटी

वेचले आयुष्य सारे देश रक्षण्या जरी
पांढरा हत्ती तरी वीक्रांत ठरे शेवटी

संपले कर्तव्य सारे भार भुईला नको
गाठले ऐंशी...निघूया... हेच बरे शेवटी


केदार...

[शिवाजी सांगळे]

chaan....

[Shrikant R. Deshmane]

lai bhari kedarji...
agadi surekh..