देवा इतकंच दे! (एक विडंबन)

[केदार मेहेंदळे]

 मात्रा : १४+१३

त्याला पूर्ण बाटली दे, मला माझी चपटी दे
नशीब नाही दिलं तरी, एक रिती धोपटी दे

काळी गोरी बुटकी दे, जाड अथवा लुकडी दे   
नाकावर राग नसावा, बायको मज नकटी दे 

पोळी भाजी नको मला, केवळ प्रेमळ साथ दे
भात खाइन नुसताच मी, पाण्याची आमटी दे 

भाज्या डाळी महागले , चूल कधीची बंद रे
भिक मागायला सरकार, बस एक करवंटी दे

चहा पितो टपरीवर मी, ही माझी अवकात रे
शान मारायला खोटी, मिटिंगमधे ग्रीन टि दे   

संसारात रमलोय मी, वेळ नाही भजनाला
नाम घेईन देवा मी, बस थोड्या कटकटी दे


केदार...

[शिवाजी सांगळे]

केदार, छानच....

माझ्याही दोन ओळी....

मत स्वत:चे मांडतो, विचारांना बळ दे,
हे माय मराठी सेवेसाठी, शब्दांना शक्ती दे!

[vijaya kelkar]

संसारात रमलोय मी, वेळ नाही भजनाला
नाम घेईन देवा मी, बस थोड्या कटकटी दे

        बरोबर आहे ....
''दु:ख,दैन्य सांडले , झोळी फाटली रे
ते पुन: बांधायला एक वळकटी दे ''  ....ह्या माझ्या ओळी

[केदार मेहेंदळे]

Thank youMr Shivaji & Vijaya

[जया]

काळी गोरी बुटकी दे, जाड अथवा लुकडी दे   
नाकावर राग नसावा, बायको मज नकटी दे

----------------------------------------------------

देव म्हणे, "झालोय्‌ , वत्सा, प्रसन्न तुजवर
देतो, हं, बायको मी तुला अगदी लवकर
काळी, बुटकी, लुकडी, आणि असेल ती नकटी
तुला पाहिजे तशीच ती पण नसेल फटाकडी."