कोडं

[शिवाजी सांगळे]

जीवन तर असेहि जगतोय मी
सहाय्याने आठवणींच्या, वेग थोडा मंद आहे,
चालतोय सोबतीने, तुझ्या जीवना
पकडून ठेव हात माझा, हरवण्याचे भय आहे !

झेलल्यात जखमा, जगाच्या हजारो
ठेवल्यात सजवून, जणू बक्षीस आहे,
जीव तर तसा, साऱ्यांनाच लावतो
आता केवळ, दु:खाशी प्रेम करतो आहे !

ठेऊ कसा विश्वास, जीवना?
तू तर अजूनहि, एक कोडं आहे,
दु:ख नाही मला, मरण्याचे माझ्या
प्रियजनांच्या मृत्युचे, भय सतावते आहे !


©शिवाजी सांगळे