अजून

[shashaank]

अजून
-शाम | 6 March, 2013 - 12:57

अजून नाही श्वासांवरती
वार्‍याने कर लागू केला
अजून नाही आभाळाने
पाउस निर्यातीला नेला

अजून पृथ्वी फिरते आहे
सूर्यसुधा नियमाने येतो
अजून छाती धडधड करते
अजून आत्मा ग्वाही देतो

अजून उठते एखादी कळ
अजून रक्त सळाळुन येते
अजून खपलीमागे कोणी
घाव आठवुन जखमी होते

अजून पुरते गुलाम कोठे?
इतकी नाही जुलमी सत्ता
अजून आशा स्वातंत्र्याची
येइल! येइल! येता येता

..............................................शाम


( http://www.maayboli.com/node/41665 )

[मिलिंद कुंभारे]

nice one.....