शिवा (The Power)

[केदार मेहेंदळे]

 (उद्या महाशिवरात्र आहे. म्हणून भगवान महादेवांवर मी रचलेली एक कविता. या कवितेत मी महादेवाचे मला आवडणारे manly रूप जास्त वर्णिले आहे.)


डोक्यावर तुझ्या भार जटांचा
भारदस्त दाढी, विक्राळ मिश्या
पिळदार शरीर, कर्पूर गौरा
अंगावर शोभती, रुद्राक्ष माळा
..................................................हे सांब सदाशिव शंकरा
..................................................मस्तवाल तू तत्रिखंडाचा राजा

पचवुनी लीलया हलाहल सर्व
भार गंगेचा मस्तकी पेलून
दिव्य ज्ञानाच्या मस्तीत धुंद
बसला पराक्रमी तू नीलकंठ
..................................................हे सांब सदाशिव शंकरा
..................................................मस्तवाल तू तत्रिखंडाचा राजा

घाबरती ज्यांना पाहून सर्व
भरले विषाने जहाल भयंकर
गळ्याशी लीलया असले सर्प
लपेटून तू बसला मस्तीत
..................................................हे सांब सदाशिव शंकरा
..................................................मस्तवाल तू तत्रिखंडाचा राजा

व्याघ्रासनी बसलासे डोळे मिटून
बाजूस रोवले डमरू त्रिशूळं
हिमालयात अंगा फासून भस्म
बसलास ध्यानस्थ तू त्रिनेत्र
..................................................हे सांब सदाशिव शंकरा
..................................................मस्तवाल तू तत्रिखंडाचा राजा

बाजूस तुझ्या उभे गणगोत
पुढ्यात नंदी बसलासे शांत
सर्वांगी वैराग्य लेवून शांत
बसलास तू जसा निवांत
..................................................हे सांब सदाशिव शंकरा
..................................................मस्तवाल तू तत्रिखंडाचा राजा

भणंग तू, तू महाज्ञानी
दायाळू तू, तू शीघ्रकोपी
तुझ्या सारखा या त्रिभुवनी
मस्तवाल ना महादेव कोणी
..................................................हे सांब सदाशिव शंकरा
..................................................मस्तवाल तू तत्रिखंडाचा राजा

बैरागी तू, तरी विलासी
चेहर्यावरती सदा बेफिकिरी
घनघोर योध्धा, तरी तपस्वी
मर्दानी तरी तू, त्रिकाळ ज्ञानी
..................................................हे सांब सदाशिव शंकरा
..................................................मस्तवाल तू तत्रिखंडाचा राजा

करता कधी तू तांडव नृत्त्य
थरथरे धरणी सुटूनिया कंप
भस्म होईल सृष्टी क्षणात
उघडशी जरी का तू त्रिनेत्र
..................................................हे सांब सदाशिव शंकरा
..................................................मस्तवाल तू तत्रिखंडाचा राजा

आहेस शिवा तू सांब भोळा
पुरवी भक्तांची मनोकामना
तुला न भेद सूर असुरांचा
सर्व जगाचा तू एकच राजा
..................................................हे सांब सदाशिव शंकरा
..................................................मस्तवाल तू तत्रिखंडाचा राजा

केदार...   

[vijaya kelkar]

  हर-हर-महादेव
कृपा आम्हावरी ठेव .......

[sweetsunita66]

छान केदार !!!