जाळे

[विक्रांत]

आपण विणतो जाळे
जगण्यासाठी स्वत;ला
जाळ्याच्या गुंत्यात मग   
घेतो गाडून स्वत;ला

पदाचे प्रतिष्ठ्तेचे
झगझगीत कपडे
घालतांना नकळत
करतो नग्न स्वत:ला

कधी कुठल्या ध्येयाचे
फाजील सत्ता केंद्राचे
नाव लावून दाराला
करतो दास स्वत:ला

अहो स्वामी महाराजे
जगायचे जगायला
काय कुण्या दारावरी
श्वान करणे स्वत;ला

तेच यावे अभिमानी
रक्त सळसळूनिया
साऱ्या बंधातून त्वरे   
मुक्त करीत स्वत:ला

विक्रांत प्रभाकर