एकांत!!

[Suresh Jambhalkar]

एकांत...।
ज्याला हवाय त्याला न मिळणारा, आणि  ज्याला नकोय  त्याची साथ कधीही न सोडणारा।
एकांत
नदीकिनारी, थंडगार  निसर्गात हवा हवासा वाटणारा , रात्रीच्या वेळी कुत्र्याच्या रडण्याप्रमाणे काळजात घर करणारा ।
एकांत
मनाला वाऱ्याच्या हिंदोळ्यावर  अलगत डोलावणारा , खवळलेल्या  समुद्रात त्याच मनाला हेलकावे घ्यायला लावणारा ।
एकांत
आपणहून सुखाच्या गर्तेत गुंग होऊ पाहणारा , त्याच चक्रव्युहातून बाहेर पडण्याचा केविलवाणा प्रयत्न करणारा ।
एकांत
पक्ष्यांचा चिवचिवाट मधुर गाण्यासारखा भासणारा , तोच चिवचिवाट, जीवन किती बेसूर आहे याची जाणीव करून देणारा ।
एकांत
येणाऱ्या आयुष्याकडे आशेने पाहायला शिकवणारा , आयुष्यभर होऊन गेलेल्या चुकांचा शोक करत बसणारा ।
एकांत
चेहऱ्यावर हास्याची रेघ ओढणारा , तीच रेघ हळूच अश्रूंनी मिटणारा ।
एकांत
निर्जीव जीवाला जगणं शिकवणारा , जगणाऱ्याला  आतल्या आत मारणारा ।
एकांत । ।

~सुरेश जांभळकर (चिंटू )

[dipak chandane]

Nice yar   सुरेश (चिंटू)

[dipak chandane]

Nice yar   सुरेश (चिंटू)

[Suresh Jambhalkar]

  Thanks!!!