उंबरठ्यापाशी

[विक्रांत]

घरासाठी पोरासाठी
मनामध्ये कुढू नको
आकाशाशी नाते तुझे
पंख घट्ट मिटू नको

कश्यामुळे कश्यासाठी
तुटुनिया गेल्या गाठी
जुळूनिया जुळती ना
लागू नको तयापाठी

जमविली काडी काडी
मन थोडे रडणार
उंबरठ्यापाशी पाय
उगा थोडे अडणार 

तुझे जिणे तुझे गाणे
जिंदगानी एकवार
मातीमध्ये पोताऱ्याच्या 
कितीकाळ सडणार

मरुनिया जाता नाते 
प्राण भरणार नाही
प्रेत होवूनिया मनी
म्हण जगणार नाही

विक्रांत प्रभाकर