समिकरणे आयुष्याची !

[vaibhav joshi]

समिकरणे आयुष्याची !

तशी आपल्या आयुष्याची समीकरणे आपण  साधी सोपी ठेऊ शकतो

पण काळाच्या ओघात ती आणखी किचकट होऊन  जातात

कारण आपल्याला हव्या असतात 'वेगवेगळ्या पद्धती ' ती समीकरणे सोडवण्याच्या

आणखी सोपी,दुसरी एखादी,पेलवणारी वगैरे वगैरे

'दुसर्यांच्या नियमांनी ' आपण आपली समीकरणे सोडवू बघतो

कधी गृहीतके चुकतात  तर कधी आकडेमोड

पण खरे दुख तेव्हा नव्याने बोचते जेव्हा जेव्हा उत्तरेच चुकतात

मग मनच आपल्याला समजावत , बाबारे तू फक्त चालत राहा ,

गंतव्य स्थानी पोहोचवलच पाहिजे असे रस्त्यावर बंधन लादलेले नाही, तसेच

समीकरण बरोबरच  आले पाहिजे असे समीकरणावरही !

-- वैभव वसंत जोशी , पुणे 

[/size][/i][/b]