तुझ्या प्रसन्न हसण्यातून

[विक्रांत]

तुझ्या प्रसन्न हसण्यातून
अन बोलक्या डोळ्यातून
एक चैतन्य उमटते
श्वासामध्ये संगीत होते

तुझ्या नितळ ओठातून
अन सावळ्या कांतीतून
एक सौदर्य पसरते
मला मंत्रमुग्ध करते

तुझे बोलणे रोखून पाहणे
आणि सहजतेने वावरणे
माझे मन मोहून टाकते
तुलाच फक्त पाहत राहते


तू रागावून ओठ दुमडून
बोले लटका आव आणून
माझे जगणे कविता होते
शब्दावाचून गाणे गाते

विक्रांत प्रभाकर
/

[Gourishankar]

  Mast...