रानामंदी

[शिवाजी सांगळे]

रितेपण आलया ठार, भरल्या आभाळाला,
आतुरलीया लई धरणी, दवाच्या पाण्याला !

यायचा कवा ढाळ, कोरडया आभाळाला ?
कवा यायचा पूर तो, दवाच्या पावसाला ?

कोराडली धरती, सारं सुकलंया शिवार,
घाम पितिया धरणी, बळीराजा हा बेजार !

फांदिला झाडावर, कसलाच कोंब नाहि,
ढेकळाला रानामंदी , गवताचं पात नाहि !


© शिवाजी सांगळे

[प्रकाश साळवी]

श्री. शिवाजी सांगळे आपल्या कविता खूप सुंदर आहेत. सर्व कविता वाचल्या खूपच छान आहेत. असेच लिहित राहा. धन्यवाद

[शिवाजी सांगळे]

नमस्कार, साळ्वीजी आपल्या अभिप्रायाबद्धल धन्यवाद. आपणही बदलापूरात रहाता, मी पण वेळ असल्यास भेटावे म्हणतो.