सात पोलीस

[विक्रांत]

पोटासाठी सात पोलीस
बॉम्बस्फोटात ठार झाले
आम्ही आपलं म्हणतो उगा
देशासाठी शहीद झाले
या आधी कुणास ठावूक
किती एक वाया गेले
दोन दिवसा बातम्या
भिंतीवर फोटो उरले
तुमच्या माझ्या सारखेच   
साधेसुधे लोक होते
सुनील सुभाष दीपक
आजुबाजुस राहत होते
झाली असती बदली
एका पायी गेले असते
आयपीएल ग्राउंड वर
बंदोबस्ती बसले असते 
बदलीसाठी टक्का नव्हता
दरबारी एक्का नव्हता
मरणाशी नाईलाजे म्हणून
सौदा पक्का होता
...........
सैन्य हवे जिथे तिथे
कवायत केली जाते
निरपराधांच्या हत्येने 
का कधी क्रांती होते

विक्रांत प्रभाकर

[Santosh Doke]

I like marathi kavita. Plz send to me marathi kavita my email account.