नकोस करू चिंता सखी ...

[विक्रांत]

अवघडलेले जीवन माझे
सुटलेले आधार आहे
मी न मागतो हात कुणाचे
हाती दु:ख अपार आहे

नकोस करू चिंता सखी
मैत्र मी राखणार आहे
माझ्या सवे दु:ख माझे
मी सरणावर नेणार आहे

ते प्रेमाचे बोल हळवे
तुझे मजवर उधार आहे
उगाच हसणे शुभ्र चांदणे
उरल्या श्वासा आधार आहे

जाशील तू ही तव वाटेने
दु:खात भर पडणार आहे
मी गेल्यावर दुनियेमधुनी
तू ही थोडी रडणार आहे

विक्रांत प्रभाकर