येतो अन् जातो श्वास

[madhura]

येतो अन् जातो श्वास
जगणे हा फक्त आभास
नशिबाची भूक अघोरी
घेते स्वप्नांचा घास
घमघमते तिने दिली तर
(जखमेला कुठुन सुवास)
सारीच न वाहुन जाती
दुख्खे ही असती खास
ती कसली प्रयोग शाळा
नाविन्य जिथे नापास
काहीच नकोसे वाटे
उज्वल आणी भकास
नेहमीचा रस्ता आला
कसलाच न आता त्रास
जगण्याचे कारण बनला
हा झपाटलेला श्वास
भले भले ही रडले
तू खुळ्या प्रमाणे हास

....मयुरेश साने