सखी तुझे स्वप्न ...

[विक्रांत]

घनदाट काळोखात
वीज चमकली
क्षणभर सारे जग
लख्ख दिसले
अद्भूत सुंदर विशाल
चंदेरी प्रकाशात न्हाईलेले
आणि काहीसे 
कातर भयव्याकूळ 
गडद सावलीची
किनार ल्यायलेले
मिटेमिटे पर्यंत डोळे
क्षणात सारे विझले
अन कानावर आदळले
आकाश दुभंगले
त्या कडकडाटी आवाजाने
अस्तित्व हादरले
काळीज फाटत गेले

सखी तुझे स्वप्न
असेच काही होते
पुन्हा माझी जाग
घनघोर बरसणे होते

विक्रांत प्रभाकर