डाग पडतो या चंद्रावर, तो सूर्य ही त्यास जाळतो

[Shraddha R. Chandangir]

स्वप्नात माझ्या येऊन जेव्हा तु मला धूंडाळतो
सुकलेल्या माझ्या गजरयाचा हा मोगरा ही गंधाळतो

आठवणीत तुझ्या मी न्हाऊन नीघते, चकाकते ही काया
कस्तुरीलाही शमवेल असा गंध माझा दरवळतो

धवल तुझे प्रतिबिंब जेव्हा पाण्यावर उमटते
स्पर्श होऊन चांदण्याचा हा झरा ही खळाळतो

क्षण भर बरसूनी हे मेघ तुला लपवतात
आर्त हाक देऊनी, हा जीवही आत कींचाळतो

रवीं-भास्कर नात्याची ऐसी होते ताटातूट
डाग पडतो या चंद्रावर, तो सूर्य ही त्यास जाळतो

- अनामिका