कवितेत रस नाही

[sanjay limbaji bansode]

मधपोळीत मध नाही
दान्यात कस नाही
ओसाड झाले मन
कवितेत रस नाही !

पारावर जोक नाही
गावात लोक नाही
अस्वस्थ मनास
रात्रभर झोप नाही !

जंगलात वाघ नाही
रानात साग नाही
ना उरले कुणी जिवलग
जीवास कुणाचा धाक नाही !

पाटात पाणी नाही
मैफलीत गाणी नाही
मंदिरे पडली ओसाड
तेथे संतांची वाणी नाही !

लेकराला आई नाही
शाळेत आता बाई नाही
मोडून पडला पेन
पेनात आता शाई नाही !

संजय बनसोडे 9819444028