एक चिमणी रडली

[sanjay limbaji bansode]

एक चिमणी रडली
घरासाठी अडली
खोप्यासाठी जागा नाही
काचे आड दडली ! !

उंच उंच बिल्डींग
त्यात काचेची फील्डींग
जात होती वर वर
पाय घसरुन पडली
एक चिमणी रडली
घरासाठी अडली ! !

जवळी दिसती छोटी झाडे
जाईल कसे आत ती
मधेच त्याच्या कुंपण आडवे
स्वार्थासाठी माणसांनी
झाडे मोठी तोडली
एक चिमणी रडली
घरासाठी अडली ! !

ना दिसती तिला
मोकळी राने
ना टाकती तिला
कुणी दाने
त्रास होतो तिला
धुर अन्  भोंग्याने
पाणी पिण्या गेली तर
टाकी मधे पडली
एक चिमणी रडली
घरासाठी अडली ! !

संजय बनसोडे

[सतिश]

छान जमून आलीये बर का संजयदा... आवडली..!

[डॉ. सतीश अ. कानविंदे]

मस्त कविता.