ऐवज (लावणी)

[Anil S.Raut]

********लावणी*******

किती सांगा करु मी तुमची अर्जी
राया एकदा तरी फिरु द्या मर्जी...||धृ||

नजरेच्या खेळाची पुरे हो जुगलबंदी
घ्या बावनकशी ही जवानी कवळ्यामंदी
फिरुनि पुन्हा,घडू द्या गुन्हा,नको कसली नाराजी...||१||

शिणगाराची लाली गडद झाली बाई
अजून कशी का तुमची चाहुल न्हाई
पेचात पडले,काय कळेना,कशी तुम्हां करु राजी...||२||

हट्टाने मी बिलगेन तुम्हां,नका करु दूर
सोडा रुसवा,मला हसवा,लाजून मी चूर
पिरतीपायी तुमच्या राया,घालेन `ऐवज´ खर्ची...||३||

(चाल:-तुम्हांवर केली मी मर्जी बहाल ...चिञपट:-पिंजरा)

*अनिल सा.राऊत*
9890884228