तुझ्या माझ्या प्रेमाचा शेवट का झाला ?

[sanjay limbaji bansode]

सुखाचा गोड धागा
कडवट का झाला
तुझ्या माझ्या प्रेमाचा
शेवट का झाला ! !


आपुलकीच्या नात्यात
कमी कोण पडले
दोघांच्या प्रेमात
तिसऱ्याचे काय अड़ले
सात जन्माच्या सोबतीचा
एकाच जन्मी अंत का झाला
तुझ्या माझ्या प्रेमाचा
शेवट का झाला ! !


दुसऱ्याच्या सांगण्यावरून
मज दिले तू सोडून
होती तुझी अर्धांगनी
अर्ध्यातच सोडिले डाव मोडून
खंबीरपणे उभा राहणारा तू
असा अर्धवट का झाला !
तुझ्या माझ्या प्रेमाचा
शेवट का झाला ! !


नाही मोडिलें मी
तुझ्या इभ्रतीचे तत्व
दिले आहे तुलाच
मी माझे सर्वत्व
गात होता प्रेमाचा गोडवा
आता तुला वीट का आला !
तुझ्या माझ्या प्रेमाचा
शेवट का झाला ! !


लावीले तुझेच कुंकू
जपून पत्नीचे सूत्र
घातले मी गळ्यात
तुझ्याच नावाचे मंगळसूत्र
होता आधी प्रेम वेडा
आता जळफळाट का झाला
तुझ्या माझ्या प्रेमाचा
शेवट का झाला ! !


संजय बनसोडे

[प्रमोदिनी]

"दिले आहे तुलाच
मी माझे सर्वत्व
गात होतास प्रेमाचा गोडवा
आता तुला वीट का आला?"




बेअकली तो असे उघड
सह्याद्रीतला एक दगड

अगे, मान देवाचे आभार
उतरवला त्याने गळ्यातून तव
आयुष्यभरचा दगडाचा भार

[sanjay limbaji bansode]

कुंकवाला कलंक लागला
दगड मात्र हसू लागला

अंग झटकून आनंदात
बाशिंग बांधायला तयार  होऊ लागला

[Devendra kanfade]

"दिले आहे तुलाच
मी माझे सर्वत्व
गात होतास प्रेमाचा गोडवा
आता तुला वीट का आला?"




बेअकली तो असे उघड
सह्याद्रीतला एक दगड

अगे, मान देवाचे आभार
उतरवला त्याने गळ्यातून तव
आयुष्यभरचा दगडाचा भार