सुटणार रे माहेर...

[शिवाजी सांगळे]

सुटणार रे माहेर...

सुटणार रे माहेर बाबा
तुला मी देवू कसे अंतर ।।धृ।।

निरोप देण्या तयार सारे
जावू कशी सोडून बापडी?
काळजी मला तुझीच बाबा
भेटण्या तुला मी आतूर /1

सुटणार रे माहेर बाबा
तुला मी देवू कसे अंतर ।।धृ।।

अंगण झाले पर्वत मजला
झाला उंबरा जणू परदेस 
सोडता घर आपुले बाबा
उसळते आज मनी काहूर /2

सुटणार रे माहेर बाबा
तुला मी देवू कसे अंतर ।।धृ।।

करता प्रवेश नव्या व्दारी
जरी घर स्वर्ग प्रियाचे
उबदार छत तुझेच बाबा
लाभो मजला ते निरंतर /3

सुटणार रे माहेर बाबा
तुला मी देवू कसे अंतर ।।धृ।।

© शिवाजी सांगळे