इथे वेदना मना रोज छळतेच आहे

[Rajesh khakre]

इथे वेदना मना रोज छळतेच आहे
जीवन काय आहे हे कळतेच आहे

इथे प्रेमाला त्या द्वेषाचे उत्तर आहे
इथे प्रवास जीवनाचा खडतर आहे

इथे भावनेची कदर कुणा ती नाही
वेदना मनिचि मनाशीच राही

इथे रोज होतो लिलाव तो नात्याचा
बदलतो रक्तगट इथे रोज रक्ताचा

दुःखाचा तो दाह इथे वाढतच जाई
सुखाची झुळूक मात्र दुरुनच जाई

मरावे रोज इथे मरुनि जगावे
"सुंदर आहे जीवन हे" मनाशीच म्हणावे!

---राजेश खाकरे
Mo.7875438494
rajesh.khakre@gmail.com