पुसून त्या आठवणी,झालीस तू कुणाची?

[Anil S.Raut]

नकोच मजला आता,साथ उगा कुणाची
कशास करती पुन्हा,बात फुका प्रेमाची !

राहिलो न मीच माझा,तरी, झालो न तुझा
केला बहाल वसंत,ओढ तुला उन्हाची !

गळती फुलल्या कळ्या,गंध मागे ठेवुनि
पुसून त्या आठवणी,झालीस तू कुणाची ?

उगीच गुंतले मन,जडले काट्यावरी
कशास रंगवू पाने,रक्ताने गुलाबाची !

देईन हवे तेवढे,प्रेम माझे मलाच
नको पुन्हा रेखाटाया,रांगोळी आयुष्याची !

कळेल जेव्हा, येशिल, दोन थेंब घेऊनि
सांग विझवतील का,आग माझ्या चितेची ?

*अनिल सा.राऊत*
9890884228

[Humbernyui]

Want a great project like this anymore.

[Anil S.Raut]

Thanks....I will try my best