मुक्तस्पंदने

[sachinikam]

मुक्तस्पंदने

आयुष्याच्या वाटेवर आयुष्य काय ते जगायला
भविष्याची चिंता सोडून दिल्खुलास बागडायला
काहीतरी करायचय नव झुगारून सारी बंधने
एका स्वरात गुंफुदे अपुली मुक्तस्पंदने

फुंकुनि चिंता वाऱ्यावरी करू जोमाने सराव
जिंकायचा आहे आता आपल्याला हा डाव
पाषाणालाही येते देवपण सोसता टाकेचे घाव
अचिंत्य शक्ती दडलीय तुझ्यात असुदे तुला ठाव
उगवत्या सूर्यालाच करती जनमानस वंदने
एका स्वरात गुंफुदे अपुली मुक्तस्पंदने

मोद नवा कणांत मुरला हर्ष नवा क्षणांत विरला
धनतरंग क्षितिजावर पसरले नवचैतन्य दिशांत विखुरले
नाही आता भय कसले चल वेचुया क्षण मंतरले
घेता हाती हात तुझा काळीज कसे गहिवरले
मंत्रमुग्ध एकमेकांत होऊनी नाचूया आनंदाने
एका स्वरात गुंफुदे अपुली मुक्तस्पंदने

----------
कवितासंग्रह : मुग्धमन
कवी: सचिन निकम
पुणे
९८९००१६८२५
email: sachinikam@gmail.com

[sachinikam]

आयुष्याच्या वाटेवर आयुष्य काय ते जगायला
भविष्याची चिंता सोडून दिल्खुलास बागडायला
काहीतरी करायचय नव झुगारून सारी बंधने
एका स्वरात गुंफुदे अपुली मुक्तस्पंदने...

[sachinikam]

एका स्वरात गुंफुदे अपुली मुक्तस्पंदने