मुर्दाडांचे आयुष्य जगणे मी बंद केले

[sanjay limbaji bansode]

मुर्दाडांचे आयुष्य जगणे
आज मी बंद केले
जाती धर्मा विरोधात
आज मी बंड केले
मानव जातीलाच माणसात विभागून
ज्याने माणसाचे खंड केले
बसून त्यांच्या मानगुटीवर
आज मी त्यांना थंड केले !

मी ना हिंदू ना मुस्लिम
ना उच्च ना शूद्र
मानवता हाच माझा धर्म
सारे मानव माझे मित्र
जाती जातीत विभागून
भिक्षुकशाहीने मज अंध केले
म्हणूनच
मुर्दाडांचे आयुष्य जगणे आज मी बंद केले !

देव ही संकल्पना
मी मनातून काढत आहे
फुले शाहू आंबेडकरी विचार
मी साऱ्या समोर वाढत आहे
स्वर्ग, नरक, पाप, पुण्य
त्याला वापस वर धाडत आहे
जातिवाद पेटवीनारे विचार
आज मी मनोमन फाडत आहे
काल्पनिक विचाराने मज आजवर षंड केले
म्हणूनच
मुर्दाडांचे आयुष्य जगणे आज मी बंद केले !


संजय बनसोडे

[Kishor Nanaware.]

मित्र खुप सुंदर विचार आहेत .....
तुझ्या विचारानवर तू चालत रहा थांबू नाको.....
तुझी गरज आहे सगळ्या हयात असलेल्या मानव जातीला.....

[prasad sawant]

कविता चांगली आहे. विचार असे विद्रोही अन निर्भीड हवेत. अभिनंदन !