तेव्हा

[pomadon]

जाणले मी ,तू मला कळलास तेव्हा
मी न माझी ,मजकडे वळलास तेव्हा

स्पंदने माझीच मज सांगून गेली
विरह माझा साहता छळलास तेव्हा

चिखल फेकीतून का नामानिराळी ?
उलगडे ,वेढून मज मळलास तेव्हा

तोल ढळताही कशी ताठयात होते ?
ये प्रचीती ,तूच कोसळलास तेव्हा

तू प्रकाशाचा सखा तेव्हाच कळले
दाह माझे भोगुनी जळलास तेव्हा

मी न काया मी तुझी छाया सदोदी
सांजवेळी मज कळे ढळलास तेव्हा

-------------छाया देसाई

[Prachi]

chan ahe,,,
तू प्रकाशाचा सखा तेव्हाच कळले
दाह माझे भोगुनी जळलास तेव्हा..............

[rudra]

मी न काया मी तुझी छाया सदोदी
सांजवेळी मज कळे ढळलास तेव्हा

thanx 4....

[saru]

khup chan aahe